Налайх ЭМТ нь өнөөдрөөс эхлэн Д витамин тодорхойлох шинжилгээг дахин авч эхэллээ. Энэхүү шинжилгээг урьд нь авч байсан бөгөөд коронавируст халдварын улмаас хил хаасантай холбогдуулан урвалж, оношлуур дууссан тул түр завсарлаад байсан юм.
Иймд иргэд та бүхэн өдөр бүр 12 цаг хүртэл хугацаанд ирж, шинжилгээ, оношилгоогоо ЭМД-аар үнэ төлбөргүй тодорхойлуулах боломжтой юм.
✅Витамин Д гэж юу вэ?
Витамин Д нь хүний бие махбодийн хэвийн үйл ажиллагаанд зайлшгүй шаардлагатай тосонд уусдаг аминдэм юм. Витамин Д нь кальцийн шимэгдэлт болон яс, булчингийн хэвийн үйл ажиллагаа, дархлаа тогтолцоонд чухал нөлөөтэй байдаг.
✅Витамин Д-г хэрхэн авах вэ?
1. Нарны хэт ягаан туяаны үйлчлэлээр
2. Хоол хүнсээр буюу сүү, цагаан идээ, өндөг, далайн гаралтай бүтээгдэхүүн түлхүү хэрэглэснээр
3. Хүнсний нэмэлт бүтээгдэхүүнээс авч болно.
Манай орны газар зүйн байршлаас хамаараад нарны хэт ягаан туяанаас витамин Д авах боломж хомс, хоол хүнсэнд агуулагдах витамин Д-ийн хэмжээ маш бага байдаг тул витамин Д-ийн дутагдалд орох эрсдэл өндөр байдаг.
✅Витамин Д-н дутагдалд орох эрсдэлтэй бүлгүүд
➡️Хөхний сүүгээр хооллодог нярай: 1 литр хөхний сүүнд 15-50 ОУН витамин Д агуулагддаг учраас витамин Д-ийн хэрэгцээг хангах боломжгүй гэж үздэг.
➡️Жирэмсэн болон хөхүүл эмэгтэйчүүд
Өнгөт арьстан
➡️Өндөр настан. Өндөр настай хүмүүсийн хувьд арьс витамин Д нийлэгжүүлэх чадвараа алддаг бөгөөд дотоод орчинд ихэнх цагийг өнгөрөөдөг тул витамин Д-ийн дутагдалд орох эрсдэл өндөр байдаг.
➡️Нарны гэрлээс хязгаарлагдмал хүмүүс. ➡️Нарны гэрэлд бага гардаг ажил мэргэжилтэй хүмүүс, шашны улмаас урт хувцас өмсдөг хүмүүс
➡️Ходоод гэдэсний тайруулах мэс засалд орсон болон төрөлхийн хоол хүнсний шимэгдэлт алдагдалтай хүмүүс витамин Д-ийн дутагдалд өртөх эрсдэлтэй.
✅Витамин Д дутагдсан үед хүүхдэд рахит өвчин үүсдэг
Рахит өвчний үед хүүхдэд дараах шинж тэмдэг илэрнэ.
👉Шээс хурц үнэртэй болох
Хөхөө хөхөх болон унтаж байхдаа хөлрөх
👉Ясны бэхжих үйл явц алдагдаж, авах ачаалал нь нэмэгдсэнээс ясаар өвдөх, толгой томрох
👉Ясны хэлбэр алдагдаж мурийх, бугуйн яс товойж бүдүүрэхсэх
👉Булчин сулралын улмаас хожуу сууж, мөлхөх, хөлд орох, мэлхий гэдэс үүсэх
👉Хөлд орох үед биеийн ачааллыг авч байдаг шилбэ, дунд чөмөгний яс бэхжиж чадаагүйгээс хөл майга, Х хэлбэртэй болох
👉Өсөлт нь хоцрох
👉Булчин татвалзах
👉Цочромтгой болох
👉Хавирга өвчүүтэй нийлэх хэсгээр овойж томрох
Иймд та цусан дахь витамин Д-гээ шалгуулсаны дараагаар эмчийн зөвлөсөн тунгаар Д витаминаа хэрэглээрэй !!!